Özbəkistan Daşkənd Beynəlxalq Maliyyə Mərkəzi (DBMM) üçün hüquqi bazanın formalaşdırılmasını başa çatdırıb. Prezident Şavkat Mirziyoyev mərkəzin statusunu ən yüksək normativ səviyyədə təsbit edən Konstitusiya Qanununu imzalayıb.
DBMM Tashkent City ərazisində fəaliyyət göstərəcək.
Mərkəzin hüquqi rejimi dörd əsas sütuna əsaslanır:
→ iştirakçılar üçün xüsusi vergi və valyuta rejimi
→ Daşkənd Beynəlxalq Kommersiya Məhkəməsinin müstəsna yurisdiksiyası
→ Daşkənd Maliyyə Xidmətləri İdarəsi tərəfindən tənzimləmə və lisenziyalaşdırma
→ Konstitusiyaya zidd olmadığı hallarda ingilis hüququ prinsiplərinin tətbiqi
İştirakçılar üçün nəzərdə tutulan üstünlüklər:
→ əməkdaşlar və ailə üzvləri üçün 5 ilədək vizalar
→ kapitalın və gəlirlərin məhdudiyyətsiz repatriasiyası
→ əməkhaqlarının xarici valyuta və ya kriptoaktivlərlə ödənilməsi imkanı
Vergi güzəştləri 1 yanvar 2076-cı ilədək qüvvədə olacaq və mənfəət vergisi, ƏDV, torpaq və əmlak vergiləri, eləcə də payların və qiymətli kağızların satışından əldə olunan gəlirləri əhatə edəcək.
