O‘zbekistonda Enterprise Uzbekistan markazining faoliyat yuritish shartlari kengaytirilmoqda. Markaz ishtirokchilariga 2100-yilgacha amal qiladigan maxsus huquqiy rejim taqdim etiladi.
Mazkur tashabbus “regulatory sandbox” mexanizmi doirasini kengaytirib, investorlar uchun yanada qulay va moslashuvchan biznes muhitini shakllantirishga yordam beradi.
→ ish haqini xorijiy valyutada to‘lash imkoniyati
→ ma’lumotlarni qayta ishlashda bulutli texnologiyalardan foydalanish
→ xalqaro mehnat va huquqiy standartlarni qo‘llash
→ qo‘shimcha soliq va bojxona imtiyozlari.
Markaz texnologiyalar va investitsiyalar sohasidagi yangi yechimlarni sinovdan o‘tkazish maydoniga aylanmoqda. Ustuvor yo‘nalishlar quyidagilarni o‘z ichiga oladi:
→ Sun’iy intellekt
→Raqamli transformatsiya va ilmiy-tadqiqot hamda tajriba-konstruktorlik ishlari (R&D)
→Startaplar va ma’lumotlarni qayta ishlash markazlari (data markazlar)
Markaz faoliyati doirasida 2030-yilgacha 1000 tagacha kompaniyani jalb qilish, 300 mingdan ortiq ish o‘rni yaratish hamda 5 milliard AQSh dollarigacha eksport salohiyatini shakllantirish rejalashtirilgan.
