2026-yilning yanvar–mart oylarida Ozarbayjonda asosiy kapitalga yo‘naltirilgan investitsiyalar hajmi 4 milliard manatni tashkil etdi. Bu o‘tgan yilning mos davriga nisbatan 14,9 foizga ko‘pdir.
Joriy yilning birinchi choragi davomida o‘sish sur’ati barqaror saqlanib qoldi. Yanvar–fevral oylarida investitsiyalar hajmi 2,4 milliard manatni tashkil etib, yillik hisobda 19,4 foizga oshdi. Neft-gaz sektoridagi investitsiyalar 51,4 foizga ko‘paygan bo‘lsa, neft-gazdan tashqari tarmoqlarda o‘sish 5,1 foizni tashkil etdi.
Birinchi chorak yakunlariga ko‘ra, investitsiyalar tarkibida quyidagi o‘zgarishlar kuzatildi:
→ neft-gazdan tashqari sektorga investitsiyalar 2,2 foizga oshib, 2,5 milliard manatga yetdi
→ ushbu sektorning jami kapital qo‘yilmalardagi ulushi 62,3 foizni tashkil etdi.
Asosiy e’tibor ishlab chiqarish va infratuzilma loyihalariga qaratilgan bo‘lib, neft-gazdan tashqari sektor ulushining ortishi Ozarbayjon iqtisodiyotini diversifikatsiya qilish bo‘yicha sa’y-harakatlarning davom etayotganini ko‘rsatadi.
