Mərkəzi Asiyada Çin, Qırğızıstan, Özbəkistan və Türkmənistanı birləşdirən yeni multimodal marşrut istifadəyə verilib. Bu marşrut Orta Dəhlizin inkişafının bir hissəsi olmaqla, Çin – Mərkəzi Asiya – Avropa istiqamətində yükdaşımaların şaxələndirilməsinə xidmət edir.
📌 Kaşqardan Bakıya 9 günə
15 oktyabr tarixində Kaşqardan ilk yük partiyası – işıqlandırma avadanlıqları, mexaniki məmulatlar və istehlak malları göndərilib. Yüklərin bir hissəsi Xəzər dənizi vasitəsilə Azərbaycana daşınacaq.
📈 Regional inteqrasiya real fəaliyyətdə
Marşrutun işə salınması Mərkəzi Asiya ölkələri arasında logistika əlaqəliliyini gücləndirir və regionun ixrac imkanlarını genişləndirir. O, çatdırılma müddətini 9 günə endirməklə yanaşı, Avropa bazarlarından Cənubi Asiya və Yaxın Şərqə qədər uzanan tranzit potensialının artması üçün möhkəm zəmin yaradır.
Yeni marşrutlar biznes, ticarət və investisiyalar üçün yeni imkanlar açır, həmçinin Özbəkistan və Azərbaycanın Avrasiya logistika xəritəsində əsas qovşaqlar kimi mövqelərini daha da möhkəmləndirir.
