Azərbaycan–Özbəkistan İnvestisiya Şirkətinin komandası hər bir müraciəti fərdi şəkildə nəzərdən keçirir. Bu təcrübəyə əsaslanaraq, investisiya müraciəti təqdim edərkən tez-tez buraxılan səhvlərdən yayınmaq üçün qısa, lakin faydalı bir bələdçi hazırlamışıq.
⚡️ Hətta güclü bir ideya belə, struktur, məntiq və əsas hazırlıq olmadan diqqətdən kənarda qala bilər.
Bunlardan çəkinin:
✖️ Ümumi və qeyri-müəyyən ifadələr
Məhsulun, hədəf auditoriyasının və ya biznes modelinin qeyri-konkret təsviri layihənin perspektivlərini qiymətləndirməyi çətinləşdirir.
✖️ Maliyyə hesablamalarının olmaması
Əsas maliyyə strukturu olmayan və ya həddindən artıq optimist proqnozlarla təqdim edilən layihələr kifayət qədər işlənilməmiş hesab olunur.
✖️ Komandanın rolunun qiymətləndirilməməsi
İnvestorlar təkcə ideyaya deyil, həm də onu həyata keçirən insanlara diqqət yetirirlər. Layihənin əsas iştirakçılarının tərcüməyi-halı mütləqdir.
✖️ Tərəfdaşlıq mexanizmlərinin nəzərə alınmaması
İnvestorla qarşılıqlı fəaliyyətin formatı, məsuliyyət zonaları, qərar qəbuletmə mexanizmləri və miqyaslanma imkanları nəzərə alınmalıdır.
✖️ Giriş məlumatının olmaması
Layihənin xülasəsi ilə qısa müşayiət məktubu ilkin təhlilin effektivliyini artırır.
Müşayiət məktubunun məzmununa dair tövsiyələr:
✔️ Aydın investisiya təklifini formalaşdırmaqщ
Layihə dəqiq biznes məntiqi ilə təqdim olunmalıdır: hansı problem həll olunur, hansı bazarda, hansı üsulla və hansı resurslar tələb olunur.
✔️ Reallığı və həyata keçmə imkanlarını əsaslandırmaq
İcra mərhələləri, vaxt çərçivəsi və əsas risklər göstərilməlidir.
✔️ Aktual sənədlər paketi təqdim etmək
Biznes-plan, bazar araşdırması, texniki-iqtisadi əsaslandırma (TİƏ), maliyyə modeli, komanda strukturu və layihə təşəbbüskarına dair məlumatlar — minimal, lakin zəruri siyahıdır.
✔️ AÖİŞ-in iştirak strukturunu anlamaq
Biz şirkətlərin kapitalına maksimum 49%-lik iştirak şərtləri ilə daxil oluruq. Təşəbbüskarın bu birgə iştirak modelini anlaması, strateji dialoqa və effektiv, şəffaf korporativ idarəetmə və hesabat sisteminin qurulmasına hazır olması bizim üçün vacibdir.
✔️ Strukturlaşdırma və qısalığa riayət etmək
Aydın və yığcam təqdimat komandanın peşəkarlığını və layihəyə dərindən bələd olduğunu göstərir.
Müraciəti bu ünvana göndərə bilərsiniz: office@AÖİŞ.uz
Əsas tələblərlə rəsmi saytımızda tanış olun: AÖİŞ.uz
