Mərkəzi Asiya tədricən təkcə investisiyalar üçün bazara deyil, həm də tamhüquqlu investisiya platformasına çevrilir. Özbəkistan isə bu platformanın maliyyə mərkəzinə çevrilməyi hədəfləyir.
2027-ci ilə qədər ölkədə beynəlxalq kapital üçün yeni infrastruktur olan Daşkənd Beynəlxalq Maliyyə Mərkəzinin tam şəkildə fəaliyyətə başlaması planlaşdırılır. Bu mərkəz ingilis ümumi hüququ əsasında, müstəqil məhkəmə və tənzimləyici qurumla fəaliyyət göstərəcək.
Paralel olaraq, hökumət private equity və venture capital üçün alternativ investisiya fondları haqqında qanun hazırlayır. Bu, vençur investisiyaları ekosisteminin inkişafı və qlobal oyunçuların cəlb edilməsi baxımından mühüm addımdır.
Bu fonda DBMM-in yaradılması artıq sadəcə iddialı layihə deyil, ölkənin iqtisadi transformasiyasının məntiqi davamı kimi görünür:
- Özbəkistanın ÜDM-i 147 milyard ABŞ dollarını ötüb,
- cəlb edilmiş investisiyaların həcmi 43 milyard ABŞ dollarına çatıb,
- beynəlxalq reytinq agentlikləri ölkə üzrə qiymətləndirmələrini yaxşılaşdırıb,
- Özbəkistan Milli İnvestisiya Fondu isə ikili listinqlə qlobal kapital bazarlarına çıxıb.
