Sanoat zonalari Ozarbayjonda ishlab chiqarish va eksportni rivojlantirishning muhim vositalaridan biriga aylanmoqda.
Bugungi kunga kelib, Iqtisodiy zonalarni rivojlantirish agentligi tasarrufidagi sanoat zonalariga 7,2 milliard manatdan ortiq (qariyb 4,2 milliard dollar) investitsiya kiritilgan.
Shu davr mobaynida sanoat zonalari rezidentlari 20,9 milliard manatlik (qariyb 12,3 milliard dollar) mahsulot ishlab chiqardi va sotdi. Shundan 6,7 milliard manatdan ortig‘i (3,9 milliard dollar) eksport hissasiga to‘g‘ri keladi.
Ayni paytda mamlakatda 9 ta sanoat parki, 3 ta sanoat mavzesi va 2 ta xususiy sanoat mavzesi faoliyat yuritmoqda. Ularda 148 ta rezident va 10 ta norezident ro‘yxatdan o‘tgan.
Amalga oshirilgan loyihalar natijasida 11 200 dan ortiq doimiy ish o‘rni yaratilgan.
